Qadın xəstəlikləri və doğum sahəsində mərkəzimizdə təcrübəli həkimimiz və yaxşı təlim keçmiş köməkçi personaldan ibarət komandamız tərəfindən akademik səviyyədə xidmət göstərilməsi məqsəd qoyulmuşdur. Xidmətlərimiz iki əsas kateqoriyaya bölünür: hamiləlik və qadın xəstəlikləri.
Hamiləlik (doğum) ilə bağlı xidmətlərimiz hamiləlik izlənməsi və yüksək riskli hamiləlik izlənməsi kimi qiymətləndirilir və Perinatologiya üzrə ixtisas çərçivəsində xəstələrimizə təqdim olunur. Hamiləlikdən əvvəl məsləhətləşmə ilə başlayan prosesin izlənməsi birinci trimestr (ilk üç ay) sonoqrafiyası (11-14-cü həftələrdə) detallı şəkildə incələnərək erkən anatomik və xromosomal anomaliyaların mümkün riskləri müəyyən edildikdən sonra körpənin inkişafı izlənilir. Risk göstəriciləri olan hallarda CVS (xorial villus nümunə götürülməsi) və ya amniosentez edilərək genetik laboratoriya nəticəsi ilə dəqiqləşdirilir. Hamiləliyin 18-22-ci həftələrində isə detallı doğuş ultrasəs müayinəsi ilə yenidən fetal anatomiya araşdırılaraq əsas və kiçik anomaliyalar tədqiq edilir və ailəyə məlumat verilir. Hamilə qadına aid risk faktorları (hipertoniya, qalxanabənzər vəzi xəstəlikləri, şəkərli diabet, epilepsiya, ürək xəstəlikləri) mərkəzimizdəki digər mütəxəssislər tərəfindən multidisiplinar şəkildə izlənir. Bu izləmə metodları və idarəetmə ilə hamilə qadınların rahat və sakit bir hamiləlik keçirmələri təmin edilir. Beləliklə, həm ananın, həm də körpənin sağlam bir doğuşla hamiləlik prosesini başa vurmasına yardım edilir.
Qadın xəstəlikləri (Jinekologiya) sahəsində isə əsas məqsəd qadın sağlamlığını qorumaq, lazım olan hallarda erkən müdaxilə edərək sağlamlığın yenidən bərpa olunmasını təmin etməkdir. Qadın sağlamlığı illik izləmə proqramımız, ginekoloji ultrasəs müayinələri, smear izləmələrimiz ilə Dünya Səhiyyə Təşkilatının əsas məqsədi olan hər kəsin mümkün olan ən yüksək sağlamlıq səviyyəsinə çatmasını təmin etmək məqsədini dəstəkləyir.
Bundan əlavə, menopauza izlənməsi, ailə planlaması məsləhət xidmətləri kimi imkanlar xəstələrimizə təqdim olunur.
Lazım olduğu hallarda xüsusi mövzular üzrə əməliyyatlar həyata keçirilərək bizim üçün çox önəmli olan qadın xəstələrimizin sağlam həyatlarına davam etmələrinə xidmət edilir.
